“Inoiz ezertxo ere gertatzen ez den tokia” da DES-Habitat. “Hala ere, pertsonaiek bertan egon gura dute; ondo sentiarazten eta hartzen gaituen lekua da. Batean kale, bestean bale. Baina, beti ematen digu zeozer”, diote konpainiatik. Bere identitatea berreskuratu gura duen mundu batean topo egiten duten lau ezezagunen istorioa kontatzen du antzezlanak. Denen ongizatea lortzeko, elkarlanean jardun beharko dute pertsonaiek; antzezlanean zehar hainbat elementu aurkituko dituzte, laurek partekatuko duten etxearen osagarriak izango direnak. Horrez gainera, gertaera dibertigarri eta arriskutsuei aurre egin behar izango diete denek batera.
Vaiven Teatro 2008an sortu zen. Bidean 300 emanaldi baino gehiago eskaini ditu konpainiak.
Kale-antzerkia gaur Sopelan, Vaiven Teatroren eskutik
Zapatu honetan, irailak 5, "DES-Habitat" kale-antzezlana eskainiko du Sopelan Vaiven konpainiak. Hitzordua arrastian, 19:00etan, jarri dute udaletxe aurreko plazan, sarrera doan. Granadako antzerki taldeak martxoaren 10ean aurkeztu zuen bere laugarren obra Alhambra antzokian, “denok behar dugu tokiren bat bizigarri egin” premisa oinarritzat hartuta. "DES-Habitat" lanean zirkua, dantza garaikidea eta antzerkia bera uztartzen dute granadarrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun