Bariku honetan, urriak 2, Surf eta Natura Film-laburren Lehiaketara aurkeztutako lanak proiektatuko dituzte Sopelan; Kosta Fest jaialdiaren barruan egin dute sariketa. Horrez gainera, Txus Delgado zinemagile sopeloztartutako zamudiotarraren "Big Wave in the Basque Country" dokumentala emango dute. Saioa 19:00etan hasiko da, Udaletxeko plazan; eta sarrera doakoa da, baina gonbidapenagaz (aurrez hartu behar dira, Kurtzio kultur etxean).
Lehiaketara 12 film labur aurkeztu ziren, denak kalitate handikoak eta gehienak dokumentalak. Ondokoak izan dira irabazleak:
1. saria. Sopela Kosta Fest jaialdiko film-laburrik onena.
"Solsticio / invierno", Beto Oviedo (Argentina).
500 euro
2. saria. Berton. Sopelako zinemagilerik onena.
"Gure funtsa", Zazpi7.1ez (Sopela)
250 euro
3. saria. Genero ikuspegitik, film-laburrik onena.
"Las chicas de las olas", Kantauriko Olatua – Paula Odriozola (Sopela)
250 euro
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
