Aurtengo Baque Sarian 150 bat pilotari gaztek eta kadetek hartu dute parte, pasa den irailaren 8tik aurrera. Lehiaketak Sestao, Laukiz, Bermeo, Sopela, Iurreta, Portugalete eta Lezama bisitatu ditu, gaurko finalaren aurretik. Ezkurdi pilotalekuak finalez gainera, omenaldi berezia hartuko du: Baque Saria sortu zuten Bizkaiko Eusko Pilota Federakuntzaren Zuzendaritzako hiru kide: Jesus Garcia Ariño, Patxi Salterain eta Ricardo Enzunza.
Iker Kamiruaga pilotari sopeloztarrak Baque esku-pilota sariaren finala jokatuko du gaur iluntzean Durangoko Ezkurdi pilotalekuan. Kurene eskolakoak Kimetz Zapiko dimoztarragaz lehiatu beharko du gazteen kategorian, sariaren 30. edizioko txapela janzteko. Biak aurrelariak izanda partida mugitua espero daiteke. Aurretik, 19:30etik aurrera, Ibarloza eta Agirreamalloa Markina-Xemeingo pilotariek kadeteen txapelagatik borrokatuko dute. EITBk aurrez grabatutako emanaldia eskainiko du bihar, zapatua, goizeko 12:00etan, ETB4 katean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun