Gerry Regitschnig clown-aktorearen ikuskizun berria da "Let’s Circus", eta domeka honetan ikus daiteke, urriaren 18an, Kurtzio kultur etxean, arrastiko 18:00etan. Sorpresaz betetako ikuskizuna izango da. Gorputzaren hizkuntzak, umoreak, musikak eta dantzak bat egingo dute. Regitschnigek ingeles erraza erabiliko du, denek ulertzeko modukoa, eta ikus-entzuleak bihurtuko ditu benetako protagonista, zirkuaren ildoan. Umeek 3 euro ordaindu behar dituzte; nagusiek, 5 euro.
Umeentzako ikuskizun interaktiboa da, baina adin guztietako ikusleek gozatzeko modukoa ere bai. Gainera, inprobisazioa lantzen du Regitschnigek.
Ordubete inguru irauten du saioak, eta ikusleek zuzenean eta aktiboki parte hartu ahalko dute, modu dibertigarrian. Horrela, zirkuaren munduko figura kutunak gogora ekarriko dituzte: akrobatak, animalia-hezleak, pailazoak edo lehoiak. Umeek zein nagusiek figura horiek haragituko dituzte, Regitschnigegaz batera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!