Sopelan erroldatuek 60 euro ordainduko dute (ume bi daukatenek 47na euro, hiru ume daukatenek 40na euro eta oinarrizko errenta jasotzen dutenek 36na euro). Sopelan ez-erroldatuek, berriz, 105ena euro. Ordaintzeko moduari dagokionez, banku helbideratzearen bidez edo txartelagaz egin daiteke. Leku kopurua 60 haurretakoa da, eta gutxienekoa taldea sortzeko kopurua 10 pertsonakoa da.
Gabonetako kolonietan izena eman daiteke Sopelan
Sopelan erroldatutako umeek gaurtik abenduaren 9ra izango dute Udalak antolatutako Gabonetako kolonietan izena-emateko; ez erroldatuek, berriz, abenduaren 10etik 13ra. Izena emateko lekuak Kurtzio kultur etxea, udaletxea, Sopelarin eta udal webgunea dira. Koloniak abenduaren 21etik urtarrilaren 5era izango dira, astelehenetik barikura (aste-akabuak eta jaiegunak kenduta), 09:00etatik 14:00etara, Kurtzio kultur etxean. Halere, umeak 08:30etik 14:30era bitartean egon ahalko dira, nahi izanez gero. Programa euskaraz garatuko da, eta 4 eta 12 urte bitarteko umeei zuzenduta dago (abenduaren 31n beteak).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun