Adin denetako kirolzaleek korrika egin ahal izango dute, 17:00etatik aurrera, 400 metro eta 4 kilometro bitarteko zirkuituak osatzeko, adinaren arabera. Horrela, txikienak lehenengoak izango dira irteten. Zazpi urte bitartekoek 400 metro besterik ez dute lasterka egingo. 17:10ean, 8 eta 14 urte bitarteko neska-mutilek, ordea, txikienen zirkuitua birritan bete beharko dute, 800 metro osatzeraino. Hamar minutu beranduago, adin denentzako paraolinpiar modalitatea izango da. Kategoria horretan, 1.200 metroko distantzia izango dute. Azkenik, 17:30ean, 15 urtetik gorakoak irtengo dira 1.000 metroko zirkuitu bati lau buelta ematera.
Hirubik iragarri du lortuko den diru dena Javi Conderen elkartasun-maratoien proiektuari emango diotela, Bizkaian fibrosi kistikoaren gaitzari aurre egiteko. Izan ere, euro bi ordainduz gero, izena eman ahal izan da Hirubiren webgunean. Daborduko, izen-ematea itxita dago.