Film-laburrak ikusgai gaur, Sopelan

Erabiltzailearen aurpegia Hiruka 2016ko urtarrilaren 8a

Sopelako Kurtzio kultur etxeko programazioa indartsu hasiko da 2016an; denak asetzeko modukoa izango da. Artista ezagunak eta ez horren ezagunak, bertakoak eta kanpokoak, askotariko diziplinak… ekitaldi denak izango dira kalitate handikoak. Besteak beste, gaur, urtarrilak 8, "Laburrean 2016" film-laburren topaketa egingo dute. Hitzordua 20:00etan jarri dute; sarrera, doan.

Iazko arrakastari jarraiki, euskal produkzio laburrak aurkeztuko dituzte horien egileek. Ondoko filmak proiektatuko dira:

  • "5 segundos", David Gonzalez Rudiez. Iraupena: 3 minutu. (Kimuak 2015).
  • "I said I would never talk about politics", Aitor Oñederra. Iraupena: 10 min. (Kimuak 2015).
  • "Peter Hollywood", Ibon Antuñano. Iraupena: 7 min.
  • "Yayos", Roberto San Sebastian. Iraupena: 15 min.
  • "Los ocho pecados capitales", Sra. Polaroiska (Alaitz Arenzana, Maria Ibarretxe). Iraupena: 13 min.

Emanaldiaren ostean, mahai-inguruan parte hartuko dute film laburren zuzendariek: Ibon Antuñano, Roberto San Sebastian, Alaitz Arenzana eta Maria Ibarretxe. Amaia Kaiero kazetariak zuzenduko du.

Kultura Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun