Rakel Garcia eta Luis Moreno errefuxiatu sopeloztarrek mezua bidali dute Bruselatik (Flandria) Sare eta Bagoaz kolektiboek biharko Bilbon eta Baionan deitutako manifestazioakaz bat egiteko. HIRUKAk eskuratu duen espainolezko grabazioan, Rakel Garciak konfiantza agertzen du Olga Sanz, Txabi Moreno, Sergio Polo eta Urko Labeaga EPPKko kideak Euskal Herrira itzuliko direla, denen lanari esker. Audioaren azken unean, Luis Morenoren ahotsa ere entzun daiteke.
Rakel Garciak irakurritako mezuaren itzulpena
"Kaixo guztioi Bruselatik. Berbaldia emateko asmo barik, horretarako beste batzuk daude-eta, agurtzen zaituztegu 23 urteren ostean, energia eta baikortasun osoz. Olga, Sergio, Txabi eta Urko hemen gugaz topa egiten egon daitezen oztopatzen duten harri denak elkarregaz mugituko ditugulakoan gaude. Bukatzeko, gogorarazten dizuegu urtarrilaren 9an hitzordua dugula Bilbon eta Baionan. Gora EPPK. Gora Euskal Herria askatua".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.