Atzo, domekan, 66 urteko gizonezko baten hilotza topatu zuten Sopelako Barinatxe hondartzan, Solondota kaletik gertu. Eusko Jaurlaritzako Segurtasun Sailak albiste-agentziei jakinarazi zienez, eguerdia baino lehen topatu zuten gorpua kanpin-denda batean, txakur bat alboan zuela.
Abisua jaso ostean, Barinatxe hondartzara bertaratu ziren larrialdi-zerbitzuetako beharginek gizona hilda zegoela baieztatu besterik ezin izan zuten egin. Gorpua Auzitegiko Institutu Anatomikora eraman zuten, autopsia egiteko. Segurtasun Sailak adierazitakoaren arabera, lekuan bertan ez zegoen indarkeria zantzurik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!