Emilio Ramos zuzentzen duen elkartearen taldea Estatu espainoleko talderik garrantzitsuena izan da 2015ean. Besteak beste, Lointekeko emakumeek 9 garaipen, Bretainiako GP Plumelec-Morbihan, Espainiako Kopa, Euskaldun Saria eta Euskal Emakumeen Bira irabazi dituzte.
Ugeraga Kirol Elkartearen emakumezko UCI taldeak Lointek enpresa urduliztarragaz lotu du bere proiektua, zortzigarren denboraldiz jarraian. Urte berrirako, Dori Ruano jarraituko du zuzendaria izaten eta honako lasterkariak ditu: Mar Bonnin, María Calderon, Empar Felix, Chloe Fraser, Rocio Garcia, Alicia Gonzalez, Lucia Gonzalez, Elisabet Llabres, Belen Lopez, Cristina Martinez, Eider Merino, Teresa Ripoll, Anna Ramirez, Gloria Rodriguez, Alba Teruel eta Aurore Verhoeven. Azkenik, taldeak elastiko berria estreinatu du, aurrekoaren antzekoa, laranja, baina zerrenda zuri horizontal bategaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun