Sopelako Euskarazko Irakurle Klubaren hurrengo saioa eguenean, otsailak 18, izango da. 19:00etatik 20:30era elkartuko dira, Kurtzio kultur etxean; sarrera, doan. Oraingo honetan, Mari Jose Kerejeta Sarriegi itzultzaileak euskaratu zuen Wladimir Kaminer (Mosku, 1967) idazlearen "Errusiar diskoteka" liburuaren gainean berba egingo dute.
Kaminer Errusiako familia judu batean jaioa zen; 23 urte zituela, Berlinera emigratu zuen, han alemana ikasi zuen, eta idazle arrakastatsu bihurtu zen. Errusiar diskoteka lanari dagokionez, Berlin ekialdean juduak hartzen dituztela jakinda, Errusiatik hara doan mutil gazte baten testigantza zintzoak betetzen ditu liburuko 207 orrialdeak, 90eko hamarkada osoa hartuta. Lana 50 narrazio labur inguruk osatzen dute; horietako gehienek hiru orrialde baino ez dauzkate.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!