"Labarraren Ertzean" dauka izena Uribe Kostako Guda Dantza musika-taldearen bigarren lanak; Euridia estudioetan grabatu eta ekoitzitako diskoa da. Horregaz batera, aipatutako lanaren lehenengo bideoklipa aurkeztu du seikoteak; "Gogoan" abestiagaz egin dute.
Taldeak dioenez, 2015eko udazken osoa eman zuen grabaketa lanean. Ohiko jai girotik aldendu barik, egunez egun jasaten dituen egoerak plazaratu gura izan ditu kantuetan Guda Dantzak; musika beltzaren eta jamaikarraren zertzeladak eta guzti.
Aurten, inoiz baino gehiago, Euskal Herriko plazetan Guda Dantza taldea entzuteko aukera egongo da. Besteak beste, maiatzaren 7an, zapatuagaz, Algortako Ereaga hondartzan emango dute kontzertua, Rubia eta El Inquilino taldeakaz batera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!