Azken hori 2001ean egin zuten, orain dela 15 urte. Arduradunek diotenez, zelaia 12 urterako zela aurreikusi zuen enpresa eraikitzaileak, eta, daborduko, 15 urte igaro dira. Horrez gainera, Urko kiroldegia "guztiz" berritzeko lanak ere aurreikusi ditu gobernu-taldeak, berbarako: futbol-zelaien inguruko segurtasun-hesiak berritu, eta korrika egiteko pista egitea, kirol eskaintza handitze aldera. Azken horretarako, Udala URAren oniritziaren zain dago, inguruetan Gobela eta Lemotza ibaiak daude-eta. Lanotarako kanpo-finantzazio bideak baztertu gura ditu gobernu-taldeak; horretarako, "barne baliabideakaz" aurrera eroatea proposatuko du.
Sopelako Udalak Larrabasterrako Urko kiroldegia berritzea aurreikusi du. Horretarako, 820.000 euro inguruko inbertsioa beharrezkoa dela aurreikusi du gobernu-taldeak; halere, Udalak erabaki behar du lanok urtebetean egin, ala hainbat urte beharko dituen. Proiektua aurrera eroan ahal izateko, oraindino Udalbatzaren oniritzia jaso behar du, eta hala espero du Gontzal Hermosilla alkateak. Azaldu dutenez, futbol-zelai bietako harmailak berrituko dituzte. Bestalde, belar artifiziala duen zelaia ere berritu gura dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun