Pasa den apirilaren 1ean zabaldu zuten izena emateko epea, Internetez. Daborduko, dortsalak agortu egin dira maratoi erdian eta mendi-lasterketan. Mendi-ibilaldian eta familia-ibilbidean, ostera, parte hartzeko aukera badago oraindino.
Inskripzioak ekainaren 10ean itxiko dituzte sarean, aurretik dortsal denak banatu ezean. Ordenagailuagaz moldatzen ez direnek aukera izango dute izapideak aurrez aurre egiteko, Forum Sport dendetan, maiatzaren 2tik ekainaren 11ra arte. Azken egun horretan, Leioako Artea merkataritza-guneko denda izango da izena emateko leku bakarra. Ibilaldi bietan parte hartzeko prezioa 5 eurokoa da; dendan bertan eskudirutan edo banku-transferentzia bidez ordaindu ahal izango da.
Probak lortuko duen etekina Bizkaiko Diabete Elkarteari eta La Cuadri del Hospi elkarteari emango die dohaintzan.