Harkaitz Cano idazleak Sopelako Irakurle Klubean parte hartuko du arrastian

Erabiltzailearen aurpegia Hiruka 2016ko apirilaren 21a

© HARKAITZ CANO

Sopelako Euskarazko Irakurle Klubaren hurrengo saioa gaur, eguena, izango da. 19:00etatik 20:30era elkartuko dira, Sopelako Kurtzio kultur etxean; sarrera, doan. Oraingo honetan, Harkaitz Cano Jauregi idazle eta itzultzaile lasartearra gonbidatu dute, "Beti oporretan" (2015, Susa) bere azkenengo liburuaz berba egin dezan. 

Aipatutako lana hamalau kontakizunez osatu du Canok, haietako asko uda garaian idatzitakoak. Hartara, opor legez uler daitekeenari bertsio desberdinak erantsi dizkio; ura eta itsasoa bezalako errekurtsoetara jotzen badu ere, ohiko oporrez harago doazen egoerak daude: espetxea, berbarako.

Idazleak mota guztietako lanak sortu ditu: ipuinak, eleberria, poesia, kronikak, haur eta gazte literatura, baita itzulpenak ere; azken alor horretan, Hanif Kureishi eta Allen Ginsbergen lanak adibidez. New Yorken bolada bat igaro ondoren, hiri hori sarritan agertu da bere liburuetan.

Kultura Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun