Aimar del Pozo ume sopeloztarraren aldeko mendi-bizikleta ibilaldia egingo dute Bakion

Iker Rincon Moreno 2016ko uzt. 13a, 13:20

Eskualdeko elkarte askok lagundu dute Aimarren familia. © PUNTA GALEA TXIRRINDULARI ELKARTEA

Uztailaren 24an, domeka, mendi-bizikleta gaineko bigarren ibilaldia egingo dute Bakion, Aimar del Pozo ume sopeloztarrari laguntzek asmoz. Sopelako Udalak ere bat egin du elkartasun-ekimen horregaz. Aimarrek tetraparexia gaixotasuna dauka, paralisi zerebral bat eragiten diona eta horren sendatze prozesua garestia da. La Caixaren ES36 2100 4952 15 2100145847 kontu korrontean 10 euroko diru sarrera edo banku transferentzia egin beharko dute ibilaldian parte hartu gura dutenek, izen-abizenak adieraziz.

Ordainagiria edo transferentzia-agiria Bakioko turismo bulegoan (Basigoko Bide Nagusia, 3) aurkeztu beharko dute parte-hartzaileek; edo posta elektronikoz bidali turismo@bakio.org helbidera. Honako datu hauek bete beharko dituzte: izen-abizenak, harremanetarako telefono-zenbakia eta DNI zenbakia.

Datuak betetzean, aurrez aurre edo e-maila bidez jakinaraziko zaie zein den dortsalaren hurrenkera. Dortsala Bakioko turismo bulegoan batu ahal izango da, astelehenetik domekara, 10:00etatik 15:00etara eta 16:00etatik 19:00etara. Halaber, lasterketaren egunean bertan jaso daiteke irteera mahaietan, goizeko 09:15etik aurrera.

Zero dortsala

Modu berean, ibilbidean parte hartzeko asmorik izan ez, baina Aimarri elkartasuna adierazi eta laguntza ekonomikoa eman gura dioten pertsonek zero dortsala erosi ahal izango dute, modu sinbolikoan; horretarako, 10 euroko diru-sarrera edo transferentzia egin beharko dute La Caixako ES36 2100 4952 15 2100145847 kontuan, "Zero Dortsala" jarriz.

Argibide gehiago: 946 193 395 (Bakioko Turismo Bulegoa).

Kirolak Sopela

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun