Diru-laguntzen oinarriei jarraituz, 2016an, udalerrian burutzen diren emakumeen inguruko ekintzen artean, gehienez, 3.000 euro banatuko ditu Udalak. Bestalde. kirolaren arloan diruz lagundu ahal izango diren jarduera arrunten artean, gehienez, 10.000 euro banatuko dira. Hirugarren adinari dagokionez, gehien jota, 1.000 euro izango dira emango dituztenak. Lankidetza arloetara, ostera, 22.000 euro baino gehiago ez dituzte bideratuko. Azkenik, kulturaren arloan diruz lagundu ahal izango diren jarduera arrunten artean, gehienez, 40.000 euro banatuko dira. Zehaztu dutenez, "laguntzok ohiko jardunaren gastuetarako bideratuko dira, hau da, diru-laguntza ematen den ekitaldian erakunde eskatzailearen ohiko funtzionamenduko programako jardueretan gastatzeko".
Diru-laguntzak eskatzeko epea zabaldu du Sopelako Udalak
Daborduko Sopelako Udalaren iragarkien oholean ipini dute 2016ko diru-laguntzen deialdia. Subentzio horiek bost eremutara daude bideratuta: emakumea, kirola, hirugarren adina, kultura eta lankidetza arloetara, beren-beregi. Hala, diru-laguntzak eskatzeko epea azaroaren 14ra arte egongo da zabalik; eskabideak udaletxeko erregistro orokorrean aurkeztu beharko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun