Gertaera 13:00ak aldera izan zen, Enrique Urrutikoetxea kalean. Sopelako erdigunetik oinezko zaintza egiten zebiltzan udaltzain bik karga eta deskarga zonalde batean aparkatutako kotxe bat atzeman zuten; kotxeak inguruko dendak hornitzen zebiltzan dimentsio handiko beste ibilgailuak oztopatzen zituen, udal iturriek azaldu dutenez. Handik gutxira, adinbako batez lagundua, kotxearen jabea aurkeztu zen eta udaltzainek hura identifikazioari ekin zioten.
Agente batek, isunaren papera betetzen zuen bitartean, besteak, pilotukidea zen adinbakoari erreparatu zion eta Berangoko adinbakoen zentrotik alde egindako gazteaizan zitekeela pentsatu zuen, agintari sopeloztarrek adierazi dutenez. Zentrotik ateratzeko baimen baten ostean, mutila ez zen berriro bueltatu. Beharrezko ikerketak egin eta gero, zentroko zaindari batek adinbakoaren ardura hartu zuen.