Goizaldeko 03:15 eta 03:30ak bitartean erre dituzte 11 zarama-edukiontzi Sopelako hiru lekutan. Garren ondorioz, inguruan aparkatuta zegoen ibilgailu bat kaltetu da. Su-emailerik ez dute identifikatu Ertzaintzak jakinarazitakoaren arabera; ikertzen dabiltza.
Sopelako Eleizalde, Etxebarri eta Zabalbide kaleetan kokatutako edukiontziei su eman diete, domeka goizaldeko 03:15-03:30 bitartean, Eusko Jaurlaritzako Segurtasun Sailak jakinarazi duenez. Denera, 11 dira erretako edukiontziak; horrez gainera, Zabalbide kalean, su emandako edukiontzien alboan aparkatuta zegoen ibilgailu bat ere kaltetu dute garrek.
Gertatutakoa argitzeko ikerketa abiatu du Ertzaintzak; momentuz, ez dute su-emailerik identifikatu, eta ikertzen jarraituko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!