Txakurren ustezko pozoitze-kasu bi detektatu dira Sopelan

Sopelako Udalak jakinarazi duenez, intoxikazio-sintomak zeuzkaten txakur bi artatu behar izan zituzten azaroaren 29an, ustez, arroza eta oilasko hondarrakaz nahastutako substantzia urdin bat (barraskiloentzako pozoia, dirudienez) irentsi ostean. Antza, balearen parkean zebiltzanean hartu zituzten janari-hondarrak txakurrek.

Gertakizunaren ostean, Sopelako Udaltzaingoak parkeko bazter guztiak arakatu zituen; batez ere, pilotalekua eta horren ingurua, kaltetutako txakurrek bertan belar apurrak jan baitzituzten. Halere, Udaltzaingoak azaldu duenez, ez zuten janari-hondakinik aurkitu eta bertako inork ere ez zuen aipamenik egin balizko antzeko jazoeren inguruan.