Sopelako Udalak "txakurren aisialdirako" gune bi egokituko ditu laster: bata, udaletxearen ondoan; bestea, Larrabasterra inguruan. Lekuak zehazteke dauden arren, arduradunek jakinarazi dute zirkuitu bat eta txakurrek ariketa egin ahal izateko elementuak egongo direla parke bietan.
Udalak jakinarazi duenez, joan den urtean jasotako proiektua da aipatutakoa, "bizilagun askoren eskaerari ematen zaion erantzun gisa".
Aurtengo aurrekontuak otsailean onartzea aurreikusi du Gobernu-taldeak; behin horiek onartutakoan, parke biak egiteko lanak martxan ipiniko dituztela jakinarazi du Gontzal Hermosilla Sopelako alkateak. Proiektua gauzatzeko 30.000 euro aurreikusi ditu Udalak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!