Umeek eta gaztetxoek, ostera, domekara arte itxaron beharko dute aratusteez gozatzeko, otsailaren 26ra arte; 18:00etatik aurrera, Urko kiroldegiko ateak zabalik egongo dira. Mozorro-desfilea, aurpegia margotzeko eta mozorroen osagarriak egiteko tailerrak, argazkiak ateratzeko aukera eta Zirika Zirkus taldearen ikuskizuna edukiko dituzte aukeran neska-mutilek. “Nahiz eta lehiaketan izenik ez eman, festan berdin-berdin parte har daiteke”, kultur iturriek aipatu dutenez.
Aratusteak 2017
Kuadrillek zapatuan ospatuko dituzte aratusteak, Sopelan
Sopelako kuadrillak prest daude mozorrotzeko, zoratzeko, ospatzeko... Izan ere, bazkaria (14:30) eta mozorro-desfilea (17:00) antolatu dituzte; zapatu honetan izango dira, otsailaren 25ean, Ander Deuna ikastolan. Egitarauari jarraituz, arrastiko 07:00etatik aurrera, poteoa egingo dute kalez kale, Polekelele elektro-txarangagaz. Hala, bazkarirako txartelak Sopelako Laiak tabernan eta Larrabasterrako Ugari supermerkatuan eros daitezke, 10 euroan. Historia da mozorrotzeko aukeratu duten gaia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun