Nuyum elkarteak sopeloztarrei dei egin die Oporrak Bakean elkartasun-programagaz bat egin eta ume sahararren bat etxean hartzeko, udako bi hilabeteetan.
Izan ere, data horiek dira gogorrenak, Aljeriako basamortuan bizi diren umeentzat, tenperatura 50 gradutik gorakoa baita. Bertako errefuxiatu-eremuetan 200.000 bat errefuxiatu bizi dira baldintza latzetan; gehiengoa neska-mutilak, emakumeak eta adin nagusiko pertsonak dira. Nuyumek gogorarazi duenez Marokok 1976tik okupatzen du Sahara.
Argibide gehiagorako edo izena emateko honako telefonora dei daiteke: 695 788 185.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!