Sopelako Udalak datorren eguaztenean abiaraziko du hondartzetan hondakinak murrizteko aurtengo kanpaina. Sentsibilizazio ekimenaren helburuak honakoak dira: hondartzetan sor daitezkeen hondakinak prebenitzea eta birziklapena sustatzea. Kanpaina abuztuko hiru egunean egingo dute, iaz baino egun bat gehiago.
Udal-iturrien arabera, "hondartzen garbitasuna guztion ardura dela kontuan" izanda, ingurumen hezitzaileak Sopelako Arriatera-Atxabiribil hondartzan izango dira, erabiltzaileek ahalik eta hondakin gutxien sortzeak eta sortutakoa birziklatzeak duen garrantziaz informatzen.
Kanpaina baliagarria izango da baita, erabiltzaileen ohiturak ezagutzeko eta nola ez, gogoeta eragiteko. Gainera, 1.000 "kantinplora tolesgarri" banatuko dira hondartzara hurbilduko diren pertsonen artean edukiontzi horiaren erabilera sustatzeko.
Honakoak izango dira hitzorduak:
- Abuztuak 2, eguaztena: 15:00-19:00
- Abuztuak 3, eguena: 11:00-15:00
- Abuztuak 4, barikua: 15:00-19:00
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
