Gertakariak abuztuaren 6an izan ziren, 12:45ak aldera: Gatzarriñe kaleko oinezkoen bidean gaizki aparkatuta zegoen kotxe baten berri ematen zuen abisua jaso zuen Sopelako Udaltzaingoak. Patruila bat bertaratu zen eta, kotxea bidegurutzetik kendu eta ondo aparkatu ostean, emakumeak gidatzeko baimena 2 urtez erretiratua zeukala konprobatu zuten udaltzainek; izan ere, bide-segurtasunaren kontrako beste delitu bi omen dauzka aurretiaz.
Gainera, aste-akabu honetan zehar, Udaltzaingoak alkoholdun edariak hartuta gidatzen zebiltzan beste hiru pertsona harrapatu ditu, Sopelako inguru desberdinetan. Kasu guztietan, zigorra ipini edo ez aztertzen ari dira.