Jendartea  Sopela 2017-08-28 17:34

Alkohol-tasa laukoiztea leporatu diote gidari bati, Sopelan

Sopelako 34 urteko bizilagun bat epaiketa azkar bat egiteko deitu dute, istripu bat izan eta baimendutako alkohol-tasa laukoiztea leporatuta.

 

Alkohol-tasa laukoiztea leporatu diote gidari bati, Sopelan
Udaltzainen patruila-autoa. © SOPELAKO UDALA | Ikusi handiago | Argazki originala

Udal-iturriek zabaldu dutenez, gertaera Errekagane kalean izan zen, abuztuaren 24an. Gidariak, istripu bat izan ostean, Udaltzaingoaren patruila bat eskatu zuen. Bertaratzean, agenteek, kotxeak kate baten kontra tupust egin zuela eta gidariak edari alkoholdunen eraginpean zegoenaren zeinu nabarmenak zituela ikusi zuten, aipatu dutenez; alkoholemia-proba eginda, baimendutako alkohol-tasa (0,25 mg/l) ia laukoizten omen zuen. Hortaz, gidaria ikertu gisa egotzia izan zen.

Halaber, abuztuaren 23an, Urkobide kaleko alkoholemia-kontrol batean, alkohola eta droga efektuen pean gidatzen zebilen Gorlizko 41 urteko bizilagun bat harrapatu zuen Udaltzaingoak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa