Etzi, domekan, 12:30ean, elkarretaratze zaratatsua egingo dute, irailaren 24tik gaur artean egin dituzten legez, Sopelako udaletxearen aurrean, "udal-gobernuaren gaitasunik eza" salatzeko.
Deialdiak Marisa Gadea sopeloztarrak zabaldu ditu, sare sozialen bidez; Gadea Bizkaiko Batzar Nagusietako hautagaia izan zen, 2015eko foru-hauteskundeetan, Ahal Dugu alderdikoa. Egindako mobilizazioetan, dozenaka lagunek salatu dituzte umeentzako parkeen eta espaloien egoera, zenbait kaleren argitasun-eza, ur-ihesak, eta Zipiriñe eta Iberre ikastetxetan ikasgela gehiago behar dituztela batez ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!