Herrigunetik Ander Deuna Ikastolaraino bidegorria luzatzeko lanak egiten jarraitzen dute, Sopelan. Hala, atzo, astelehena, abenduaren 11, ekin zioten Enrike Urrutikoetxea eta Olabide kaleen arteko zatia egiteari. Obrak direla eta, bidegurutzean "trafiko desbideraketa batzuk" egongo dira, udal-iturriek adierazi dutenez.
Halaber, Olabide kaleko asfaltoaren konponketa-lanei hasiera eman zieten atzo; oinezkoentzako pasabideak ere igoko dituzte. Lan horien iraupena bi aste ingurukoa izango da eta, kasu honetan, obrak egingo dituzten gunea kontuan hartuta, seinale edota semaforo bidezko ordezko pasabideak ipiniko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!