Kultura  Sopela 2018-02-12 11:59

Sopelako ludotekan izena emateko epea, zabalik

Sopelako ludotekan izena emateko epea otsailaren 28ra arte egongo da zabalik, Kurtzio kultur etxeko sarreran, Sopelarin udal-bulegoen edo udaletxean.

Sopelako ludotekan izena emateko epea, zabalik
Kurtzio kultur etxean dago ludoteka. © SOPELAKO UDALA | Ikusi handiago | Argazki originala

Ludotekako jarduerak martxoaren 1etik ekainaren 30era arte izango dira, Kurtzio kultur etxean. 4 eta 12 urte bitarteko umeek parte har dezakete horretan: 4 eta 7 urte artekoek (2014tik 2011ra jaioak), astelehenetik barikura (17:00-18:30), eta zapatuetan (10:30-14:00) egingo dute; eta 8 eta 12 urte artekoak (2010etik 2006ra jaioak) astelehenetik barikura (18:30-20:00), eta zapatuetan (16:30-20:00).

Ordainketa martxoan zehar egin beharko dute gurasoek, Kurtzio kultur etxeko sarreran edo udaletxean. Prezioak ondokoak dira: 20 euro (lehenengo umea), 18 euro (sendi bereko bigarrena) eta 16 euro (familiako hirugarren umea eta hurrengoak). Halaber, otsailaren 28an, eguaztenean, batzar informatiboa egingo dute, 19:00etan, ludotekan bertan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa