Googlek okasiorako sortutako Google Business tresnaren bidez, kanpaina "tour" birtualen bitartez garatzen da. Horiei esker, edozein pertsonak, munduko edozein lekutik, bere ordenagailutik edota gailu mugikorretatik, atxikitako establezimenduak bisitatzeko aukera izango du.
Sopelako Udaleko Enplegu eta Ekonomi Sustapenerako zinegotzia den Teresa Fernándezen berbetan, "kanpaina honegaz, euren negozioa sustatzeko erreminta berritzailea eta erabilgarria ipintzen dugu ostalarien esku, modu pilotu edo doan".
Taberna, jatetxe eta hotelen artean, hasteko, hogei establezimendu sopeloztar izango dira ekimenean parte hartuko dutenak.
Programa fase bitan antolatuko da:
- Dendaren diagnostikoaren gauzatzea, sarean daukan posizionamendua eta inguru digitalean duen bistaratzea kontuan hartuta.
- Googlek baimendutako profesional talde tekniko batek saltoki denak bisitatuko ditu irudiak eta bideoak eskuratzeko: establezimenduan zehar 360 graduko "tour" birtual bat gauzatzeko aukera emango dute horiek.