Aurten lehenengo aldiz, Urko kiroldegiko autokarabanetarako aparkalekua irekiko du Sopelako Udalak Aste Santuko oporretan. Etengabe hazten dabilen turismo-mota bati erantzuna ematen jarraitzea da asmoa, udal-iturrien esanetan.
Instalazioak 24 autokarabanetarako aparkalekuak dauzka, eta martxoaren 28tik apirilaren 2ra egongo da zabalik. Urko kiroldegiak hainbat zerbitzu eskaintzen ditu: konexio elektrikoa, ur edangarria duen iturria, zabor-edukiontziak, piknik-gunea, eta ur grisak eta beltzak botatzeko guneak, besteak beste.
Elektrizitate- eta ur-hornidura eskaintzen dituzten makinak erabili ahal izateko "jeton" txanponak saltzen dira Sopelako turismo-bulegoan (Loiola Ander Deuna, 28). Bakoitzak euro bat balio du; 120 litro ur eta hamabi orduko argi-horniduraz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
