Jendartea  Sopela 2018-05-14 14:10

Animaliak adoptatzeko kanpaina abiatu du Sopelako Udalak

Animaliak biltzeko zentroetan dauden maskotak adoptatzeko deia egin du Sopelako Udalak. Gaur egun, instalazio horietan zortzi txakur eta hiru katu daude, horietako batzuk zentroan bertan jaiotakoak dira; besteak, aldiz, Sopelan agertu eta identifikatu ezin izan diren animaliak dira.

Animaliak adoptatzeko kanpaina abiatu du Sopelako Udalak
Mirko da adopatzeko zain dagoen txakurretako bat. © SOPELAKO UDALA | Ikusi handiago | Argazki originala

Adoptatzeko asmoa duten sopeloztarrek, animali horiek aurrez-aurre ezagutzeko eta egokiena aukeratzeko helburuagaz, maiatzaren 30 eta 31n (10:00-14:00) eta ekainaren 1ean (16:00-20:00), 11 animali horiek Udaletxeko plaza bisitatuko dute.

Nabarmentzekoa da ere, animali horiek adoptatu gura dituzten pertsonek zentroaren instalazioak bisitatu dezaketela. Bertan, langileek animali bakoitzaren ezaugarriak eta adoptatzerakoan jarraitu beharrekoak eta bete beharreko legeak azalduko dizkiete. Iurretan (Amatza auzoa, 5) dagoen zentroaren ordutegia honakoa da: astelehenetik barikura 10:00etatik 14:00etara eta 16:00etatik 18:00etara.

Azkenik, gogorarazi beharra dago, txakur edo katu bat kalean aurkitzekotan, Udaltzaingora (944 065 511) deitu behar dela, Sopelako Udalak animaliak identifikatu eta jabea aurkitzeko zerbitzua baitauka erabilgarri.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa