Sopelako Udalak hiru udaltzain-lanpostu deitu ditu. Daborduko eskariak aurkez daitezke, ekainaren 12ra arte. Lehiaketa oposizio irekiaren sistemaren bidez beteko dira, eta gero prestakuntza ikastaro bat eta praktikaldia bete beharko dira.
Oposiziora aurkeztu ahal izateko baldintzen artean honako hauek daude: adinez nagusia izatea, Bigarren Hezkuntzako graduatu titulua, DBH, Oinarrizko Batxilergoa, Eskola Graduatua, Lehen Graduko Lanbide Heziketa edo baliokidea edukitzea eskabideak aurkezteko epea bukatzean eta B gidabaimena izatea, besteak beste.
Eskaerak Sopelako Udaleko Erregistro Nagusian eta udal-webgunean egin daitezke, eskabideak behar bezala bete ondoren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!