EH Bilduk salatu duenez, Sopela Business Marker eta Conecta Sopela proiektuak Tocina y Los Rosales (Sevilla, Espainia) herriko PSOEko arduradun ohi baten enpresak antolatu ditu. Horrez gainera, "Aholkularitza, laguntza tekniko eta enplegu atalarekin lankidetzarako" PSE-EEko mugimendu sozialerako idazkari ohia kontratatu zuten, ezkertiarren arabera.
EAJren eta PSE-EEren hitzarmen globalaren baitan, Sopelako PSE-EEren zinegotzi bakarrak Enplegu eta Garapen Ekonomikorako atala lortu zuen. "Orain arte atal horrek egindako lizitazioetan PSOEko kargu politikoak izan dira jaun eta jabe", salatu du Sopelako EH Bilduk.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!