"Arazo teknikoak tarteko", zapatu honetarako, ekainaren 16rako, Kurtzio kultur etxean antolatutako Sopela eta Larrabasterrako jaietako kartelaren eta programaren aurkezpena bertan behera utzi dute, udal-iturriek jakinarazi dutenez. Bestalde, aurkezpenaren barruan antolatutako “Miss Karaoke” ikuskizuna, udagoienera arte atzeratuko dute.
Halere, zapatu honetan bertan, kartela eta programa ezagutzera emango dira Jai Batzordearen eta Sopelako Udalaren Internet bidezko euskarrietan. Halaber, hurrengo astelehenetik aurrera, egitaraua etxeetan banatuko da.
