Gaur, eguaztenean, uztailaren 11n, Sopelako Denok Batera alderdiaren egoitzan (Enrique Urrutikoetxea, 3) emango du berbaldia Ignacio Robles Bilboko suhiltzaileak; Saudi Arabia helmuga zeukan lehergailuz betetako itsasontzi bat prestatzen laguntzeari uko egin zion horrek, eta ondorioz, Bizkaiko Foru Aldundiak espedientea egin zion. Ekitaldia 19:00etan izango da; sarrera, doan.
Joan den martxoaren 13an Bilboko Portutik Itsaso Gorrirantz abiatu behar zen ontzi batean segurtasun laguntzaile moduan egoteko agindu zioten, eta Ignacio Robles suhiltzaileak ezetz esan zuen: "Saudi Arabiarentzako lehergailuak zirela jakin nuenean, ez nuen onartu".
Bizkaiko Foru Aldundiak espediente bat ireki zion, "bere funtzioak ez betetzeagatik", eta bi eta lau urte arteko kargugabetzea ezar diezaiokete.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!