Maddi Torre Larrañaga atzelari sopeloztarra Betis futbol-taldearen diziplinatik kanpo geratu da. Klubak iragarritakoaren arabera, jokalariak eta sozietateak adostu dute erabakia. Torre iazko udan heldu zen klubera, Badajozeko Santa Teresatik; atzelariak kontratua zeukan 2019ko udara arte.
Athletic eta Bizkerre taldeen jokalari ohiak hamar partidatan jokatu zen Betisen joan den denboraldian eta horietatik seitan titularra izan zen. Talde zuri-berdeak eskertu du Torrek "Betisen alde erakutsi duen beharra eta konpromisoa" eta lan-etorkizunerako "zorte handia" opa dio.
Futbolariak sare sozialen bidez besarkada bana bidali die Betiseko profesional eta langileei, "egoeragatik ezin izan baitut zuzenean agurtu". Modu berean, zorte ona opa die daborduko taldekide ohiak direnei, datorren denboraldiari begira. Sevillako zale zuri-berdeak ere gogoan izan ditu Torrek; "egunez egun" eurengandik jaso duen babesa eta hurbiltasuna eskertu egin die.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun