Sopelako Udalak diru-laguntza deialdi bi zabaldu ditu, emakumeen eta adinekoen arloan jarduerak sustatu dituztenentzat. Hain zuzen, 2018an egindako jardueren gastuak ordaintzeko banatuko da dirua, 27.000 euro guztira.
Emakumeen arloko jardueretarako 15.000 euro banatuko dituzte, eta 12.000 adinekoen arlokoetarako. "Bi kasuetan, proiektuek baliagarriak izan behar dute udalerrirako, Udalak arlo horretan eginiko jarduketak handitu, osatu edota ordeztuko dituztenak", adierazi dute.
Sopelan erroldatuta dauden pertsona fisikoek eta udalerrian egoitza daukaten pertsona juridikoek jaso ahal izango dituzte laguntzok. Irailaren 6ra arte egongo da zabalik eskaerak egiteko epea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!