Goizeko 10:00etan ipini dute hitzordua, Larrabasterrako metro-geltokian. Horren ostean, jolasak egingo dituzte hondartzan, luncha eta bertsolariak egongo dira, eta askoz gehiago.
Kolektiboek zabaldutako oharra:
Maiatzean, Sopelako hondartzan muralak egin genituen zenbait kolektibok. Ertzainak agertu eta mozal legea aplikatuz isunak ipini zizkiguten. Sopelako Udalak muralak borratu zituen hurrengo egunean. Gainera, alkateak salaketa ipini zigunez urtarrilean epaiketa izango dugu.
Aurretik ere salatu izan dugunez, argi dago honen atzean zentsura politikoa baino ez dagoela; muralak egin genituen hormetan dauden grafitiak borratzeaz inor arduratu ez dela ikustea besterik dago.
Baina, zentsuraren erasoak ez ditugu Sopelako hondartzan muralak egin genituenok bakarrik jasaten. Algortako gazte batzuei ere mural bat margotzeagatik ezarri zizkieten isunak udan, beste askoren artean, zoritxarrez... Horregatik, zentsura normaltasunez onartzeari uzteko eta mezu askatzaileak zabaltzeko, denok gaude gonbidatuta zaudete, irailaren 29an Sopelan Zentsuraren Aurkako Egunean parte hartzera eta babesa ematera.