Jendartea  Sopela 2018-10-26 11:36

Sopelako hiru emakume adintsuenak omendu dituzte

Eguaztenean, urriaren 24an, Sopelako Udalak eta Lagun Artea elkarteak herriko hiru emakume adintsuenak omendu zituzten: egun horretan bertan, 106 urte bete zituen Amelia Martínek; irailaren 11an, 101 bete zituen Antonia Unibasok; eta martxoaren 19an 100 urte bete zituen Casimira Urdulizek.

Sopelako hiru emakume adintsuenak omendu dituzte
Sopelako Udalak eta Lagun Artea elkarteak ekitaldia egin zuten nagusien etxean. © SOPELAKO UDALA | Ikusi handiago | Argazki originala

Hala, Udalak eta elkarteak emozioz beteriko ekitaldia antolatu zuten, nagusien etxean. Bertan Amelia bera, bere alaba Toñigaz eta Carmenegaz, eta Antonia eta Casimiraren senitartekoak izan ziren, bestelako lagun eta elkarteko kideez gainera. Omenaldia ohorezko aurreskuagaz hasi zen 18:30etan eta jarraian, Lagun Artea abesbatzak kantu bi eskaini zituten. Ondoren, Sopelako Udalaren eta Lagun Artea elkartearen izenean, plaka, lore sorta eta tarta bat entregatu zitzaien. Azkenik, parte-hartzaileek lunch batez gozatzeko aukera izan zuten.

Goizean, euren urteurrenagatik zoriontzeko asmoz, Bizkaiko Foru Aldundiko Pertsonen Autonomia Sustatzeko zuzendari nagusia den Sergio Murillo eta Bizkaiko Tutoretza Erakundearen zuzendari kudeatzailea den Oier Zuberogoitia Amelia eta Antoniaren etxeetan izan ziren. Bertan, Lizasoren grabatu bat eta lore sorta bat eman zizkieten.

Eguneko irudiak

Sopelako emakume adintsuenei omenaldia (© Sopelako Udala)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa