Parte hartu gura dutenek azaroaren 5etik eta 16ra artean izena eman beharko dute www.sopela.eus webgunean edota udal-bulegoetan.
Gaur egun, industria‑arloko enpresak soldadurako profesional ugari eskatzen dabiltza, soldadura oso erabilia delako ia arlo produktibo denetan; besteak beste, autogintzan, petrokimikan, ontzigintzan, ekipamendu‑ondasunei lotutako jardueretan, eraikuntzan, eta, bereziki, egitura metalikoen eraikuntzan.
Gontzal Hermosilla Sopelako alkateak adierazi duenez, "beste behin, Udalak, ahalegin ekonomiko eta kudeaketazkoa egin du, zeinarekin enplegua sortu, enplegagarritasuna sustatu eta sopeloztarren bizi‑kalitatea hobetu nahi dugun". Ildo horretan, Teresa Fernández Enplegua eta Ekonomia Sustatzeko Saileko zinegotziak gehitu duenez, "prestakuntza guztiontzako elementu klabe bat da, baina bereziki birziklatu eta lan‑merkatuko eskari berrietara egokitu behar duten langabeentzako".
Ordutegia
Ikastaroa azaroaren 26an hasiko da, eta honako ordutegia izango du: astelehenetik barikura 09:00etatik 14:00etara. Teoriko-praktikoa izango da, 10 eguneko iraupena (50 ordu) edukiko du eta banakako kabinetan emango da. Ikastaroa Nuevas Técnicas Profesionales-ek zuzenduko du eta Leioan duen egoitzan emango da (Iturriondo kalea, 10, geltokiaren ondoan).
Toki-kopurua mugatua izango da (gehienez 10 pertsona); beraz, parte hartu gura dutenek azaroaren 5etik 16ra artean eman beharko dute izena. Izena emateko orria eta deialdia arautzen duten oinarriak www.sopela.eus webgunean eta udal‑bulegoetan daude eskuragarri.