Musikaldia zikloa aste-akabuan Kurtzion

Gospel-kontzertua ere egongo da. © THE UPPER ROOM

Sopelako Udalak jarduera musikalak sustatzen segitzen du eta, beste urte batez, Musikaldia udazkeneko musika-zikloa antolatu du. Ekimena abenduaren 14an, 15ean  eta 16an izango da, Kurtzio kultur etxean.

Barikuan, abenduaren 14an, abesbatzen topaketa egingo dute; Sopelako Lagun Artea, Barrikako Aita Gotzon eta Gorlizko Lirain abestaldeek parte hartuko dute.

Bestalde, zapatuan, hilaren 15ean, The Upper Room gospel-taldearen txanda izango da. The Upper Room 2005ean jaio zen Iñaki Miguelegaz pianoan eta Mikel San Jose ahotsan. Bikote legez Euskal Herri osoan zehar euren gospel-kontzertuak eskaini dituzte kultur etxetan, elizetan eta aretoetan. Gaur egun, The Upper Room zazpikote-formatuan aurkezten da: Karlos Etxaniz, Santi Romano, Olatz Otxoa (koruak), Andoni Etxebeste (bateria) eta Maria Soriazu (baxua) dira taldekideak. Zazpikoteak, batez, ere, euskal gospeleko kantu propioak eskaintzen ditu, eta musika-mota horretako abestirik garrantzitsuenak ere bai.

Azkenik, domekan, abenduaren 16an, "Grandes concertantes de la ópera" emanaldia egingo dute. Operaren atal ikusgarrienetarikoa Kontzertatoa da, zeinean abeslari gehienak agertzen diren. Horregatik, "Operaren Kontzertato handiak" ikuskizuna, aho arku osoko (soprano, mezzosoprano, tenore, baritono eta baxu) bost abeslarik osatuta ez da ohiko gauza; lehen mailako artistak beharrezkoak direlako operaren hamaika kontzertato segituan eskaintzeko, non publikoa hunkituta geldituko den.

Sarrerak Kurtzio kultur etxean, udaletxean edota Sopelarinen eskuratu ahal izango dira honako ordutegietan:

Astelehenetik barikura:

  • Kurtzio Kultur Etxea: 11:00-14:00 / 16:00-20:00
  • Udaletxea: 09:00-13:30
  • Sopelarin Larrabasterra: 09:00-13:30

Zapatuan eta domekan:

  • Kurtzio Kultur Etxea: 11:00-14:00 / 17:00-20:00

Egitaraua

Abenduak 14, barikua

Abesbatzen topaketa: Coro Lagun Artea (Sopela), Aita Gotzon abesbatza (Barrika),

Coro Lirain abesbatza (Gorliz)

Ordua: 19:30 - Sarrera: 3 euro

Abenduak 15, zapatua

The Upper Room (gospel)

Ordua: 20:00 - Sarrera: 4 euro

Abenduak 16, domeka

"Grandes concertantes de la ópera"

Ordua: 19:00 - Sarrera: 4 euro