Sopela Women's Team txirrindularitza-taldea aurkeztu dute urtarrilaren 25an Kurtzio Kultur Etxean. Bertan izan dira Jon Ayarza (Eusko Jaurlaritza), Jon Garrode (Bizkaia Bizkaialde) eta Gontzal Hermosilla (Sopelako Udala).
2018an bezala, Teixius, Sopelako Udala, Bizkaia Bizkaialde eta Eusko Jaurlaritza izango dira taldearen babesleak. Teixius-eko Conchi Gutierrezek adierazi duenez, "izugarrizko esfortzu, pasio eta konpromisoaren emaitza dira txirrindulariek lortu duten arrakasta. Zer nolako mailara heldu diren ikusteak erabat harrotzen gaitu".
Ondorengo kirolariak dira 2019ko Sopela Women's Team taldeko partaideak: Andere Basterra (Bizkaia, 2000), Iurani Blanco (Mallorka, 1998), Julia Casas (Bartzelona, 1980), Isabel Ferreres (Castelló de la Plana), 1998), Amaia Malatsetxebarria (Bizkaia, 2000), Sara Martín (Burgos, 1999), Maria Martins (Portugal, 1999), Alexandra Moreno (Bartzelona, 2000), Mireia Muñoz (Bizkaia, 1998), Ariadna Nevado (Zaragoza, 2000), Elné Owen (Hegoafrika, 1999), Sofía Rodríguez (Valentzia, 1999), Ariadna Trias (Girona, 1995) y Mireia Trias (Girona, 2000).