Atletismoa eta txirrindularitza uztartzen dituen kirola egin gura dutenek aukera izango dute Sopelako XIV. Duatloian, otsailaren 16an. Hilaren 11 da izena emateko azken eguna, www.triatloi.org webgunean, baina data heldu baino lehen 250 partaideko kopurua betetzen baldin bada, ondoren ez da apuntatzerik egongo.
Proba triatloi federatutako kirolariei zuzenduta dago eta Euskadiko Txapelketarako puntuagarria izango da. 16:15ean hasiko da emakumezkoentzat, eta 16:30ean gizonezkoentzat. Ordu bi iraungo du duatloiak, eta irteera eta helmuga Sopelako Udaletxeko Plazan izango ditu.
Oinez bost kilometro egin beharko dituzte kirolariek hasieran, gero hogei kilometro txirrindulagaz, eta amaitzeko, berriro ere, bi kilometro eta erdi oinez. Sariak ere egongo dira kategoria orokorreko lehenengo hiru irabazleentzat; 100, 75 eta 50 euroko bonuak, hurrenez hurren.
Udalak eta Hirubi Triatloi Sopela elkarteak antolatu dute ekimena, Euskadiko Triatloi Federazioarekin elkarlanean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
