Sergio Polori omenaldia egingo diote Sopelan, martxoaren 10ean eta 15ean

2013ko hasieran Sergio Polo preso politiko sopeloztarrak Picassenten eta Cordoban jasandako isolamendu egoera salatu zuten herrikideek.

Hogei urte daroatza kartzelan Sergio Polo sopeloztarrak. Ekitaldia eta berbaldiak egingo dituzte bere omenez martxoaren 10ean eta 15ean, hurrenez hurren.

Martxoaren 10ean senideei omenaldia egingo diete lehenengo, eta argazki erraldoia aterako dute ostean, presoari bidaltzeko. Bertsotrikipotea egingo dute herrian zehar, eta 15:00etan herri-bazkaria.

Bestalde, martxoaren 15 hitzaldiak antolatu dituzte; Iñaki Goioaga abokatuak eta Pologaz espetxean egondako preso ohi batzuek egingo dute berba.