Ander Deunaren 50 urteak ospatzeko Munarrikolandara igo dira 200 lagun

© IGOR BARTUREN

Hainbat ekintza egiten dabil Ander Deuna ikastola 2019an, bere 50. urteurrena ospatzeko. Atzo, martxoak 10, bertako mendi-taldeak antolatuta, Munarrikolandara igoera egin zuten. 200 lagun inguruk parte hartu zuten ekimenean. Ikus daitekeenez, bidearen erdian geldialdia egin zuten, ikastola atzean zutela familia-erretratua egiteko.

Goizeko 10:00ak aldera ekin zioten igoerari, ikastolatik bertatik. Sopelako aldetik, bidearen lehenengo zatian malda gogorrei egin zieten aurre, Sopelako Panderojoleen trikiti-doinuek lagunduta. Munarrikolandako gailurrera ailegatutakoan, ikasle batek aurreskua dantzatu zuen bunkerraren gainean, eta ondoren Telesforo Monzonen Ikastoletako ereserkia kantatu zuen han bildutako denek, musikarien laguntzagaz.

Ikastolara bueltan, bertso, txalaparta eta kantu artean, zuhaitz bat landatu zuten bertako pilotalekuaren ondoan. Jaia amaitzeko, bazkari-legea egin zuen nork bere etxetik eroandakoaz.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun