Uztailaren 14an izango da Sopelako lasterketa nudista

Sopelako lasterketa nudista, artxiboko irudian.

Patxi Ros Sari Nagusia izena daukan Sopelako Lasterketa Nudistaren XX. edizioa egingo dute uztailaren 14an, domekan. Ohi den bezala, proba Barinatxe hondartzan izango da, 11:00etatik aurrera. Izen-ematea doakoa da, eta lasterketaren egunean egingo da, Barinatxen bertan.

Lasterketa edo maila bi izango dira: bata lekukotasun-lasterketa, kilometro batekoa, eta, bestea, lasterketa absolutua, bost kilometrokoa. Saria jasoko dute lasterketa absolutuko lehen hirurek. Gainera, oparitxoa emango diete partaide denei eta domina bana umeei. Lasterketa Munarri Atletismo Taldeak eta Sopelako Udalak antolatzen dute.