Zapatuan eta domekan egingo dute, ohi den legez, "udatiarren" euskal jaia

Nekazaritza-azoka egingo dute zapatu goiz osoan zehar. @ SOPELAKO UDALA

Urte gutxi barru mende bat beteko du Sopelako Euskal Jaiak. 1924an sortu zuten, kanpotik bertara uda igarotzera zihoazenak herrian egun batzuk gehiago geratzeko, eta ezinbesteko hitzordu bilakatu zen aspaldi. Irailaren 7an eta 8an egingo dute aurtengoa.

Ohi denez, jai-giroa izango da nagusi Sopelako Udaletxearen inguruan Iraileko bigarren aste-akabuan. "Udatiarren jaia" esaten zaion horrek urteroko errezeta eskainiko du denen gozamenerako. Nekazaritza-azoka izango da zapatuan jaiaren ardatza, eta sukalki-txapelketa, berriz, domekan. Egun bietan, gainera, emanaldi ugariz eta musika-giroaz gozatzeko modua egongo da.

Sopelako Euskal Jaiaren egitarauaren berri izateko, deskargatu gure app-a, doakoa da!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun