Sopelan bendeja debekatzeaz kexatu dira hainbat herritar

Sopelako udal-gobernuak agindua eman du herrian bendeja ez baimentzeko, sopela.net agerkariak argitaratu duenez. Iturri beraren arabera, salmenta-mota horren ohiko bezero batzuek kexa aurkeztu dute Udaletxean.

Sopela.net-en arabera, gaur egun ez dago bendejaren gaineko araudi espezifikorik udalerrian. Hartara, gobernu-taldeak erabaki du, araudi hori garatu bitartean, salmenta-mota hori ez baimentzea. Besteak beste, bederatzi urtez Udaletxe aurrean jarri izan den saltzaile batu eta haren bezero finkoei egindako kaltea azpimarratu dute.

35 bat kexa batu dira Udalean, neurria dela eta. EH Bilduren taldeak adierazi du, sopela.net-en esanetan, hobe zatekeela, erabateko debekua ezarri beharrean, bendeja arautzeko ordenantza bat garatzen hastea, herriko merkatarien eta kaleko salmentaren arteko oreka bilatuz.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun