Udako TAO zerbitzua beste hiru eremutara zabaltzeko aukera aztertuko dute zapatutik, auzokideen parte-hartzeaz

© SOPELAKO UDALA

Hainbat herritarrek egindako eskariari erantzunez, Sopelako Udalak Asu, Bareño eta Loiolako auzokideen iritziak jasoko ditu zapatu honetan, azaroak 23, udan TAO zerbitzua hiru gune horietan ere ipintzea edo ez ipintzea erabakitzeko. Bertakoek internet bidez bozkatu ahal izango dute gaiaren gainean.

Josu Landaluze alkateak eguaztenero herritarrakaz egiten dituen bileretan gune horietako hainbat auzokidek agertutako kezka izan da prozesuaren abiapuntua. "Hondartzak paraje daude auzo horietatik", azaldu du Landaluzek, "eta TAOrik ez dagoenez udan jende askok aparkatzen du han". Honenbestez, zapatuan, 10:00etatik 14:00etara, karpa bana paratuko dute Asun, Bareñon eta Loiolan, eta alkateak berak eta udal-gobernuko zinegotziek hurbiltzen diren herritarrei azalduko diete zein izan den euren auzokideetako batzuek azaldutako kezka. 

Ondoren, internet bidezko bozketa egingo da datorren astean, bertakoek hondartza-sasoian TAO ipini gura duten edo ez esan dezaten. Gehiengoaren erantzuna baiezkoa balitz, Udalak izapideak hasiko ditu datorren urteko udan TAO egoteko aipatutako guneetan. 

Honako lekuetan kokatuko dituzte karpak:

  • Asun: Arnabar kalea, Martxoak 8 kalearen ertzean
  • Bareñon: Bareño kalean, Uribe Bazterra etorbidearen ertzean
  • Loiolan: Loiola zeharbideko aparkalekuan

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun